Koj Yog # 1

Xyov vim yog abtsi… ua cas twb tau ntau hli los yog xyoo lawm, nws tseem sau ntawv text tuaj nug yus moo. Yus ua txuj tsis nco qab tias nws yog leej twg los yog tias nco tau nws tus nab npawb lawm. Nws cav tseem nco txog zaj nkauj nws thiab yus tau nyiam thaum nyuam qhuav sib ntsib ntau xyoo tas los. Nws cav sau cov lus rov rau kuv seb kuv puas nco tau tias nws yog leej twg.

Kuj ua rau yus xav tsis txawj tag tias, ua cas nyob nyob nws tseem nco yus los yog tshua yus thiab. Kuv muab xav tias tej zaum yus kuj yog ib tug neeg zoo nyob rau hauv nws lub neej yav tas los uas nws tau ntsib thiab no. Tej zaum vim li es txawm tias nyias tau mus nyias lawm ntau hli los yog ntau xyoo, nws tseem mov tshua yus; tseem xav txog tias yus puas tau muaj  txij muaj nkawm thiab me tub me nyuam. Kuj yog ib qhov zoo thiab, rau qhov tias nws qhia rau yus paub tias txawm nws mus txog twg lawm los hauv nws nplooj siab tseem muaj ib qhov chaw me me muaj yus thiab.

Tu siab tias nws thiab yus tau sib ntsib zoo li tej kob nag uas tsuas los ib vuag dua xwb. Tau sib paub tsis tau sib hlub los yog tau los nyob ua kev. Xyov yog txoj hmoo abtsi es tus neeg zoo zoo li nws thiab yus thiaj li muaj lub sijhawm zoo los tau sib ntsib ib vuag, yam li tej niag cua us los dhau mus ib vuag kom yus hnov tias zoo li cas xwb.

Txoj kev sib nyiam tsis sib tau thiab sib paub nyob rau txoj kev deb ces thaum kawg ntshe yeej zoo li no. Vim tias yus muaj ib plooj siab hlub thiab mov tshua nws thiab, ces tsis paub yuav chim los yog mob lub siab ntsim rau nws li cas. Muab xav tias nws thiab yus yeej tsis muaj tiag. Yog txoj kev zoo ntawv yus yog ib yam uas nws ntshaw lawm tiag tiag, nws yeej yuav ua txhua yam nrog yus khi txoj kev sib raug zoo ntawm nws thiab yus kom ruaj khov cia. Vim tsis tiag es nws thiaj li mus nws hos yus thiaj li tseem nyob tsis muaj tus. Yus thiaj li ua lub siab ntev tias yog kev hlub muaj tiag ces muaj ib hnub yus tus yeej yuav los txog yus xwb…

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s